自選濃度抹茶雪糕 // A FUN STORE

見到FB有介紹呢間有唔同抹茶濃度可供選擇既雪糕店，本身打算到東京先試，但身為一個抹茶控，基本上所有抹茶甜品都鍾意食，有時候嫌香港既抹茶雪糕牛奶味偏重，蓋過左抹茶本身應有既苦甘味，而家當香港都有濃度選擇既時候當然第一時間衝去試。

A FUN STORE位於尖沙咀THE ONE商場，當日去到既時候差唔多關門，而且只有一個人去，冇辦法試哂佢3款濃度既分別

雪糕一球 $28，兩球 $45   但由於是次目標係想試 40% 雪糕，而且岩岩食飽野，先試單球濃味$40。

係雪糕櫃既時候已經見到三種唔同濃度既抹茶雪糕深淺亦有分別，當然濃度愈高顏色亦愈深。

雖然臨收舖，但圍住既人都唔少 (事後先知原來多數人都只係湊熱鬧ORZ)

終於試到啦~~!!!!

40% 果然唔係流料，食左一啖之後，抹茶既甘味好快就隨之而來，亦唔會好似一般抹茶雪糕咁重牛奶味，亦唔會太甜。


另一間印象較深刻既雪糕店係 MILK TOP，佢地既抹茶雪糕雖然冇濃度選擇，但甘度較高，而價錢及份量亦較 A FUN STORE 平及大份。

其實抹茶雪糕之外，都有好多特別得黎亦都有好有興趣既雪糕味道!! 例如BAILEYS味!!! 出面大多數都只係冧酒味~~ 鍾意試特別味道雪糕既人一家要試下~~~~~

~~~~~~~~~~~~~~~~~~~~~~~~~~~~~~~

由於太想去試其他味道既關係，於是乎過兩日忍唔住再去過

今次去到有驚喜!!!! 竟然俾我見到出左50%!!!! 既抹茶雪糕!!!!!  由於太興奮既關係，我竟然冇影到4款濃度擺埋一齊既顏色分別。其實50%比起其他濃度更深色~~~

好想試埋Baileys味，所以今次就叫左兩球

50% 抹茶雪糕 帶黎既係一陣強烈回甘味，甘味比起 40% 來得更加快，食唔慣或者唔太鍾意食既甚至會認為太苦。 味道有少少次上次係日本飲過既一杯純抹茶，日本既抹茶唔會加入太多糖，初嚐會有少少唔慣，但其實咁樣更加試到茶既濃味。好鍾意 ❤

至於Baileys味感覺好特別，食落去既口感有少少似雪葩，沙沙地既感覺亦冇雪糕應有既奶滑感。但味道不過不失，至少有Baileys既味道~~


A FUN STORE除左雪糕外，亦有其他甜品例如禮盒裝既一人蛋糕，窩夫等等，下次搵齊幾個朋友先再去試過


~~~~~~~~~~~~~~~~~~~~~~~~~~~~~~~~~~~~~


餐廳名稱：A FUN STORE
地址：尖沙咀彌敦道100號The ONE 5樓5A號舖